Батеријата на мобилниот се полни со брзина на полжав? Со овие три чекори значително ќе го забрзате тој процес

Ако ви изгледа дека телефонот ви е „закачен“ на полнач веќе три и пол години, а индикаторот покажува 49% батерија – овие упатства се како создадени за вас.

Голем број корисници на паметни и се попаметни телефони мака мачат со полнењето на батеријата. Затоа денес сите шетаат со екстерни батерии за телефоните и се нервираат од фактот дека телефонот никогаш не им е доволно наполнет.

Доколку имате впечаток дека телефонот доста бавно ви се полни, обидете се да го забрзате тој процес со следните чекори.

Стартувајте го „Airplane“ начинот на работа

На тој начин можете да го полните телефонот и двојно побрзо од што во класичниот начин на работа.

Извадете го телефонот од заштитните куќишта и маски

Мобилниот телефон за време на полнење дополнително се загрева, а со растењето на температурата батеријата побавно се полни. Извадете го од заштитните куќишта, особено гумените, а не би било лошо и да го ставите на постудено место додека се полни.

Оставете го уредот да мирува додека го полните

Обидете се да не го користите мобилниот телефон додека се полни, затоа што така побавно ќе се наполни батеријата.