Ретро: Сестрите Лилиана и Валентина Урибе од теленовелата „Другата во мене“ некогаш и сега!

Две сестри- Лилиана и Валентина, два различни светови. Едната израсната во сиромаштија, едната во неизмерно богатство. Лилиана е скромна сиромашна девојка, која воопшто не знае дека постои нејзината сестра Валентина Урибе која е разгалена богаташка. Судбината ќе ги спои, а ќе се заљубат и во ист маж. Отприлика ова е кратката приказна на серијата „Другата во мене“ од 1996 година, која беше многу популарна и кај нас.

Речиси сите девојки на фризер бараа да им биде направена фризура како на Валентина, а се продаваа и траки за коса кои ги носеше Валентина во серијата. И во оваа серија двете сестри ги толкуваше иста актерка- Жералдин Живиќ- родена во Аргентина, со српско потекло. Нејзиниот татко се преселил од Србија во Аргентина и таму ја запознал нејзината мајка. Жералдин покрај Габриела Спаниќ е најпозната актерка со балканско потекло во шпански теленовели.

Оваа серија, освен што беше позната по сплетките, се памети и по тоа што за првпат се појави некој хомосексуалец во теленовела. Другарот на сестрите- Хулијан беше омилениот геј лик во оваа теленовела.

Денеска актерката која ги глумеше Лилиана и Валентина изгледа сосема различно од нејзините карактери по кои ја препознававме во серијата.