„Слатка мистерија“ во Општина Гази Баба- Тортијада 2017

Слаткарници и ресторани, кои професионално изработуваат торти, но и заинтересирани граѓани во категоријата аматери ќе учествуваат на 11-тата тортијада „Слатка мистерија 2017“ што ја организира Општина Гази Баба, а ќе се одржи во петок ( 10-ти фебруари).
Во ревијалниот дел, кој ќе се одржи во хотел Континетал, ќе учествуваат 50 аматери и професионалци од девет скопски општини, а на штандовите ќе има и бесплатна дегустација.
Официјалниот дел ќе почне по 20 часот, кога ќе бидат претставени натпреварувачите, ќе има лицитација на тортите и прогласување на победниците.
„Тортијадата“ ќе биде проследена со културно-забавна програма и настап на естрадни уметници и актери. Организаторот соопшти дека со собраните пари од продадените торти ќе бидат донирани на Центарот за деца со посебни потреби во населба Железара.